Duke kërkuar  diçka të re, me dëshirë që të shoh se si zhvillohet mësimi në universitetet elitare, vendosa ta shfrytëzojë programin Erazmus +  për këmbim studentor. Pata fatin për të studiuar në UNS, sepse UNS është një nga universitetet e rralla  në Ballkan që ka marrëveshje për shkëmbim studentor me një numër të madh të universiteteve prestigjioze që janë në listën e 500 universiteteve më të mira në botë. Në mesin e shumë universiteteve më të mira, zgjedhja ime ishte pikërisht  në  universitetin më të lartë të radhitur  të  Gjermanisë – Universitetin e Kielit.

Jam mirënjohëse pafundsisht universitetit tim –UNS, që më mundësoi të jem pjesë e universitetit më të vjetër, më të madh dhe më të mirë në Gjermani. Nuk mund ta besojë që kanë kaluar më shumë se 6 muaj prej kur shkova në Kiel. Kujtimet i kam akoma të freskëta, sikur gjithçka të ishte para një ore. Menjëherë u gjenda  midis aq shumë njerëzve të rinjë prej shteteve të ndryshme, nga e gjithë bota, në një qytet të panjohur, të cilin për kohë të shkurtër  fillova ta ndjej si shtëpinë time të dytë.  Ditët e para më kaluan duke u njohur me kolegët e mij dhe njohje të rrethit. U akomodova në konviktin më të mirë studentor në Gjermani. Përvojën  të cilën e fitova në Universitetin e Kielit ka vlerë mjaftë të çmuar. Gjithë jetë do ti kujtoj amfitatrat e mëdhenjë, kampuset e mëdha dhe qendrat hulumtuese shkencore të pa para për kushtet tona.

Edhe njëherë , i falemderohem  UNS, jo vetëm që më mundësoi të jem pjesë e gjithë kësaj, por gjatë gjithë qëndrimit tim në Kiel, profesorët e UNS ishin vazhdimisht në kontakt me mua dhe më ofronin ndihmë dhe përkrahje  për çfarë kisha nevojë. Kjo përvojë mi zgjerojë horizotet dhe pamjet, përvojë që  më aftësoi në një mënyrë  kretësisht tjetër, e pasuroj biografin time profesionale me qëndrim studentor  në universitetin më të mirë në Gjermani- Universiteti Kiel.